ابوظبی: پاکستان اور برادر اسلامی ملک یواےای میں 3 ارب ڈالرکے قرض کا معاہدہ طے پا گیا.
تفصیلات کے مطابق پاکستان اور یو اے ای میں 3 ارب ڈالر کے پیکیج پر دستخط ہوگئے ، معاہدہ اسٹیٹ بینک آف پاکستان اورابوظبی فنڈز فارڈیولپمنٹ کے مابین ہوا.
پاکستان کی جانب سے گورنراسٹیٹ بینک طارق باجوہ نے معاہدے پر دستخط کئے، جب کہ یو اے ای کی طرف سے ابوظبی ڈیولپمنٹ فنڈ کے چیئرمین نے دستخط کئے.
توقع کی جارہی ہے کہ ایک ارب ڈالر فوری پاکستان کو وصول ہوجائیں گے، جب کہ باقی دو ارب ڈالر معاہدے کے مطابق منتقل کیے جائیں گے.
واضح رہے کہ وزیر اعظم عمران خان نے نومبر 2018 میں یو اے ای کا دورہ کیا تھا، جہاں انھوں نے اہم شخصیات سے ملاقات کی۔
یاد رہے کہ ماضی میں سعودی عرب کی جانب سے پاکستان کے لیے امدادی پیکیج کا اعلان کیا گیا، جس کے بعد پاکستان معیشت میں واضح استحکام آیا.
مزید پڑھیں: سعودی عرب سے ایک ارب ڈالر آنے کے بعد زرِ مبادلہ کے ذخائر میں اضافہ
خیال رہے کہ اس وقت وزیر اعظم عمران خان قطر کے دور روزہ دورے پر ہیں، جہاں وزیراعظم کی امیرقطر امیر شیخ تمیم بن حمد الثانی سے ون آن ون ملاقات ہوئی ہے۔
