شادیاں تو آپ نے بہت دیکھیں ہوں گی اوران میں دولہا دلہن کی آمد کے نت نئے انداز بھی دیکھے ہوں گے لیکن ایک دلہن نے پنڈال میں داخل ہوتے ہوئے ایسا انداز اپنایا کہ دیکھنے والے دیکھتے رہ گئے۔
کچھ اسی طرح شادی کی تقریب میں ایک دلہن شادی ہال میں اپنے مسلح ساتھیوں کے ساتھ داخل ہوئی جس پر وہاں موجود بازراتی حیران رہ گئے۔
سوشل میڈیا پر وائرل ہونے والی ایک ویڈیو میں دیکھا جاسکتا ہے کہ معروف ترکش ڈرامہ سیریل ارطغرل غازی کے انداز میں ایک دلہن نے انٹری دی۔
Ertugrul style entry of Bride at one of her wedding event.
Video @zamalsamanphotography#ICCAwards #SaudiArabia pic.twitter.com/w3t7iEGIvD
— Lollywoodnow_ (@Lollywoodnow1) December 29, 2021
دلہن گھوڑے پر بیٹھ کر شادی کی تقریب میں آئی جب کہ اس کے ساتھ اس کے ساتھیوں نے ہاتھوں میں تلواریں اٹھا رکھی تھیں جب کہ عقب میں ارطغرل غازی کا ٹائٹل سونگ بھی بج رہا تھا۔
مذکورہ دلہن اپنے دوستوں کے ہمراہ شادی ہال میں داخل ہوئی اور سب کے ہاتھوں میں اسلحہ تھا جو رقص کرتے ہوئے اسٹیج کی جانب بڑھ رہے تھے جب کہ اس تمام منظر کو دیکھ کر ہال میں موجود لوگ حیران رہ گئے۔
ایک سوشل میڈیا صارف نے سماجی رابطے کی ویب سائٹ ٹویٹر پر ویڈیو اپلوڈ کی اور کیپشن میں لکھا میں حیران ہوں دنیا کیا سے کیا ہوجائے گی۔
