لندن: سائنسی ماہرین نے لاک ڈاؤن میں نرمی پر خبردار کرتے ہوئے کہا ہے کہ برطانیہ میں کرونا وائرس کی دوسری لہر آ سکتی ہے۔
وزیر اعظم بورس جانسن کی جانب سے لاک ڈاؤن میں نرمی کے تحت آج سے ملک بھر میں 5 افراد کے گھر سے باہر اکٹھے ہونے اور ملاقات کرنے کی اجازت دیے جانے پر سائنسی ماہرین نے تشویش کا اظہار کیا ہے۔
یہ بھی پڑھیں: لاک ڈاؤن سے اکتائے برطانوی شہریوں کو بڑا ریلیف مل گیا
برطانیہ میں آج سے پرائمری اسکولز بھی محدود پیمانے پر واپس کھول دیئے گئے اور پابندیوں میں نرمی پر اچھا موسم دیکھ کر ہزاروں افراد ساحل سمندر اور پارکوں میں پہنچ گئے۔
From today, in England, you will be allowed to meet up to five friends in public outdoor places or in your garden. This will be a moment of joy and relief for many.
Please remember to keep 2 metres away from those you don’t live with, and wash your hands regularly.
— Boris Johnson (@BorisJohnson) June 1, 2020
اس صورتحال پر سائنسی ماہرین نے حکومت کو خبردار کرتے ہوئے مہلک وبا کورونا کی دوسری لہر کا بھی امکان ظاہر کیا ہے، ماہرین کا کہنا ہے کہ برطانوی حکومت نے لاک میں نرمی کرنے میں جلد بازی کا مظاہرہ کیا۔
ماہرین کے مطابق حکومت کے اس اقدام سے وائرس کے پھیلاؤ بڑے پیمانے پر دوبارہ بڑھنے کا خدشہ ہے، ٹریک اینڈ ٹریس سسٹم بھی لاگو ناں کیا جا سکا اسکے باوجود نرمی کرنا غلط فیصلہ ہے۔
سائنسی ماہرین کا کہنا ہے کہ حکومت نے اپنی ہی طے کردہ شرائط پوری ناں ہونے کے باوجود لوگوں کو باہر نکلنے کی اجازت دے دی ہے۔
