The news is by your side.

Advertisement

ٹوٹا ہوا دل کینسر کا سبب بھی بن سکتا ہے

کیا آپ جانتے ہیں ٹوٹا ہوا دل کینسر کا سبب بھی بن سکتا ہے؟ حال ہی میں ہونے والی ایک تحقیق نے ٹوٹے دل اور کینسر کے درمیان گہرا تعلق ثابت کردیا۔

ماہرین کے مطابق دل ٹوٹنے کے صحت پر نہایت مضر اثرات مرتب ہوسکتے ہیں، طبی زبان میں اسے بروکن ہارٹ سنڈروم کہا جاتا ہے، اور یہ ایک حقیقی شے ہے۔

یہ سنڈروم بہت زیادہ تناؤ زدہ صورتحال میں سامنے آتا ہے اور اس صورتحال کی سب سے عام مثال کسی پیارے کا بچھڑ جانا ہے۔ اس سنڈروم میں اچانک سینے میں نہایت شدید درد اٹھتا ہے۔

مزید پڑھیں: کینسر کی اہم وجہ کیا ہے؟

آپ نے اکثر جوڑوں کے ساتھ اس طرح کی صورتحال دیکھی ہوگی کہ کسی ایک کی موت کے چند دن بعد دوسرے شخص کی بھی موت واقع ہوجاتی ہے۔ یہ بروکن ہارٹ سنڈروم کا ہی نتیجہ ہوتا ہے۔

اب حال ہی میں جرنل آف امریکی ہارٹ ایسوسی ایشن میں شائع ہونے والی ایک تحقیق میں انکشاف ہوا ہے کہ دل ٹوٹنے کا کینسر سے بھی بہت گہرا تعلق ہے۔

تحقیقی مقالے میں بتایا گیا کہ تحقیق کے لیے جائزہ لیے جانے والے افراد میں سے اس سنڈروم کا شکار 6 افراد میں کینسر کی تشخیص کی گئی۔ ان افراد میں کینسر کے دیگر مریضوں کی نسبت موت کا امکان بھی زیادہ تھا۔

ماہرین کا کہنا ہے کہ ٹوٹے ہوئے دل اور کینسر کے تعلق کے بارے میں مزید جامع تحقیق کی ضرورت ہے جس کے بعد مزید حتمی نتائج مرتب کیے جاسکیں گے۔

Comments

یہ بھی پڑھیں