ٹوبہ ٹیک سنگھ : بھائی کے ہاتھوں قتل ہونے والی بائیس سالہ ماریہ کے منہ پرتکیہ رکھ کرقتل کیاگیا، قاتل فیصل نے تقریباً 3 منٹ تک بہن کے منہ پر تکیہ رکھا۔
تفصیلات کے مطابق ٹوبہ ٹیک سنگھ میں بھائی کے ہاتھوں بہن کے لرزہ خیز قتل کا واقعہ پیش آیا ، بائیس سالہ کو ہولناک طریقے سے قتل کیا گیا، سگےبھائی نے گھروالوں کےسامنے بہن کومنہ پر تکیہ رکھ رکھا ہے، قتل کےوقت کمرےمیں باپ اوربھابھی سمیت دیگرموجود تھے ، کسی نے سفاک قاتل کو نہ روکا کیوں کہ یہ سب شریک جرم تھے۔
قاتل فیصل نے تین منٹ تک ماریہ کا منہ تکیے سے دبائے رکھا اور مرنے کی تصدیق کرنے کے بعد رُکا، پولیس حکام کابتانا ہے سترہ اوراٹھارہ مارچ کی درمیانی رات ماریہ کوقتل کرکےخاموشی سےتدفین کردی گئی۔
مزید پڑھیں : بہن کا گلا دبا کر قتل کرنے کی ہولناک ویڈیو سامنے آ گئی
پولیس کا کہنا تھا کہ لڑکی کےدوسرے بھائی شہبازنےچھپ کرویڈیوبنائی اور مقدمے کی درخواست دی تھی تاہم پولیس نے قبر کشائی کرکےلاش کے نمونے لاہور بھجوا دیئے ہیں۔
وزیراعلیٰ پنجاب مریم نواز نے واقعے کا نوٹس لیتے ہوئے آئی جی سے واقعے کی رپورٹ طلب کرلی ہے۔
