The news is by your side.

Advertisement

برسلز : سیاہ فام کی ہلاکت اور کشمیر میں بھارتی مظالم کیخلاف احتجاجی مظاہرہ

برسلز : امریکا میں پولیس کے ہاتھوں جارج فلائیڈ کی ہلاکت کے خلاف ہزاروں افراد نے برسلز کی سڑکوں پر مظاہرہ کیا، مظاہرین نے بھارتی مظالم کے شکار کشمیریوں کے حق میں بھی نعرے بازی کی۔،

تفصیلات کے مطابق امریکہ میں پولیس تشدد سے ہلاک ہونے والے سیاہ فام جارج فلائیڈ کے ساتھ اظہار یکجہتی کیلئے ہزاروں لوگ سڑکوں پر نکل آئے، احتجاجی مظاہرے میں مختلف شعبہ ہائے زندگی سے تعلق رکھنے والےافراد کی بڑی تعداد میں شرکت کی۔

یورپین دارالحکومت برسلز میں اس مظاہرے کا اہتمام بلیک لائیوز میٹر نامی گروپ نے کیا تھا۔ سپریم کورٹ بلڈنگ کے سامنے چوک پر ہونے والے مظاہرے میں نوجوانوں کی ایک بڑی تعداد نے اپنے ہاتھوں سے لکھے ہوئے پلے کارڈز اٹھائے ہوئے تھے، جن پر مختلف نعرے درج تھے۔

اس کے علاوہ مظاہرین نے مقبوضہ کشمیر میں بھارتی فوج کے ہاتھوں نہتے کشمیریوں پر مظالم کیخلاف بھی آواز بلند کی، مظاہرین نے بھارتی ظلم کے شکار کشمیریوں کے حق میں بھی نعرےبازی کی اور انہیں انصاف کی فراہمی کا مطالبہ کیا۔

واضح  رہے کہ امریکہ میں پولیس کے ہاتھوں ایک سیاہ فام شخص کی ہلاکت کیخلاف ہونے والے مظاہروں کا دائرہ امریکہ سے نکل کر برطانیہ تک پہنچ گیا ہے۔

Comments

یہ بھی پڑھیں