قلعہ سیف اللہ : بس اور ٹرک کے خوفناک تصادم میں سات افراد جاں بحق اور پندرہ زخمی ہو گئے، حادثے کی شکار ہونے والی بس کوئٹہ سےپشاورجارہی تھی۔
تفصیلات کے مطابق بلوچستان کے ضلع قلعہ سیف اللہ میں توروسکی کے مقام پر بس اورٹرک کے تصادم ہوا، جس کے نتیجے میں سات افراد جاں بحق اور پندرہ زخمی ہو گئے۔
اسسٹنٹ کمشنر قلعہ سیف اللہ نے بتایا کہ ہ:تمام زخمیوں کو ڈی ایچ کیواسپتال منتقل کردیاگیا اور اسپتال میں ایمرجنسی نافذ کرکے ڈاکٹر اور طبی عملے کو طلب کرلیا گیا ہے۔
ضلعی انتظامیہ کا کہنا تھا کہ حادثےکی شکارہونےوالی بس کوئٹہ سےپشاورجارہی تھی۔
یاد رہے رواں ماہ کے آغاز میں خیبرپختونخوا (کے پی) کے ضلع کوہاٹ میں ایک سڑک حادثے کے نتیجے میں کم از کم آٹھ افراد ہلاک اور پانچ زخمی ہو گئے تھے۔
ریسکیو حکام کے مطابق واقعہ ضلع کوہاٹ کے شہر درہ آدم خیل میں منی ٹرک سے وین کے تصادم کے بعد پیش آیا تھا۔
