اسلام آباد : بانی پی ٹی آئی کی اہلیہ بشریٰ بی بی نے بنی گالہ میں گھر کو سب جیل قرار دینے کیخلاف ہائیکورٹ سے رجوع کرلیا۔
تفصیلات کے مطابق بانی پی ٹی آئی کی اہلیہ بشریٰ بی بی نے بنی گالہ میں گھر کو سب جیل قرار دینے کیخلاف درخواست دائر کردی، درخواست اسلام آباد ہائی کورٹ میں دائر کی گئی۔
درخواست میں استدعا کی گئی 31 جنوری کو خان ہاؤس کو سب جیل قرار دینے کا نوٹیفکیشن کالعدم قراردیاجائے اور بشریٰ بی بی کو واپس اڈیالہ جیل راولپنڈی منتقلی کے احکامات دیئے جائیں۔
درخواست گزار نے کہا کہ کسی بھی عام قیدی کی طرح سزااڈیالہ جیل میں کاٹنا چاہتی ہوں، تمام شہری قانون کی نظر میں برابر ہیں، دوسرے سیاسی ورکرز جیلوں میں عام قیدیوں کے ساتھ ہیں۔
درخواست میں کہا گیا کہ بنی گالہ سب جیل میں منتقلی مساوی حقوق کے منافی ہے، 31جنوری کواڈیالہ جیل میں انتظار کرانےکےبعدسب جیل میں منتقل کیاگیا، پوچھنے پربتایا گیا بنی گالہ رہائش گاہ کوسب جیل قراردےدیاگیا۔
درخواست گزار نے استدعا کی کہ چیف کمشنرآفس اسلام آباد کا 31 جنوری کا نوٹیفکیشن کالعدم قرار دیا جائے۔
