سندھ کے 26 اضلاع کےخالی بلدیاتی نشستوں پر ضمنی انتخاب کاشیڈول جاری کر دیا گیا۔
الیکشن کمیشن نے بلدیاتی نشستوں پر ضمنی انتخاب کا شیڈول جاری کیا۔ ڈسٹرکٹ ریٹرننگ افسران، ریٹرننگ افسران اور اسسٹنٹ ریٹرننگ افسران کا نوٹیفکیشن بھی جاری کیا گیا ہے۔
9 سے 11 اکتوبر تک ریٹرننگ افسران کے پاس کاغذات نامزدگی جمع کرائے جاسکتے ہیں اور ضمنی انتخاب کے لیے پولنگ 14 نومبر کو ہو گی۔
صوبے میں77 مختلف کیٹیگری کی بلدیاتی نشستوں پر ضمنی انتخاب ہو گا۔ کراچی میں مجموعی طور پر 10 بلدیاتی نشستوں پر ضمنی انتخاب ہوگا۔
کراچی میں 4چیئرمین، 2 وائس چیئرمین اور 4 وارڈ کونسلر کی نشستوں پر ضمنی انتخاب ہو گا۔ صدرٹاؤن کی یوسی 13مرتضی وہاب نے ایک سے زائد نشستوں پر کامیابی کےباعث چھوڑی تھی۔
صوبے میں 22 یوسی چیئرمین، 15وائس چیئرمین، 29 وارڈ ممبرز اور11ممبرز ڈسٹرکٹ کونسل کی نشستیں خالی ہیں۔
