بیجنگ: چین میں منشیات کی تیاری، اسمگلنگ اور مجرموں کو تحفظ دینےکے جرم میں کائے ڈانگجیا کو پھانسی دے دی گئی۔
تفصیلات کے مطابق چین کے جنوبی صوبے گوانگ ڈانگ کے گاؤں بوشے سے تعلق رکھنے والے آئس نامی منشیات کے گاڈ فادر کو پھانسی دے دی گئی۔
کائے ڈانگجیا جس گاؤں کے سربراہ تھے اس گاؤں کے 20 فیصد گھروں میں کرسٹل میتھ تیار کی جاتی تھی ان پر الزام تھا کہ وہ نہ صرف خود منشیات کی تیاری اور اسمگلنگ میں ملوث تھے بلکہ پورے گاؤں میں مجرموں کا تحفظ کرتے تھے۔
آئس نامی منشیات کے گاڈ فادر کو 2013 میں ایک بڑے ملٹری پولیس کے آپریشن میں گرفتار کیا گیا تھا اس آپریشن میں 3 ہزار اہلکاروں نے حصہ لیا تھا۔
سرکاری میڈیا کے مطابق آپریشن کے دوران 3 ٹن کرسٹل میتھ، آدھا ٹن کیٹا مائن منشیات اور180 مشتبہ افراد کو گرفتار کیا گیا تھا۔
یاد رہے کہ گوانگ ڈانگ کے گاؤں بوشے سے تعلق رکھنے والے کائے ڈانگجیا کو 2016 میں منشیات کی تیاری، اسمگلنگ اور مجرموں کو تحفظ دینےکے جرم میں کائے ڈانگجیا کو موت کی سزا سنائی گئی تھی۔
منشیات اسمگلنگ کا الزام، چین میں کینیڈین شہری کو سزائے موت
واضح رہے کہ تین روز قبل چینی عدالت نے منشیات اسمگلنگ کا الزام ثابت ہونے پر کینیڈین شہری رابرٹ کو سزائے موت سنائی تھی۔
