The news is by your side.

Advertisement

متحدہ عرب امارات میں منی بسوں پر پابندی عائد کرنے کا فیصلہ

دبئی: متحدہ عرب امارات میں منی بسوں پر پابندی عائد کرنے کا فیصلہ کرلیا گیا، رواں سال منی بسوں کے 24 حادثات رونما ہوئے جن میں 7 افراد جاں بحق ہوگئے تھے۔

عرب میڈیا کے مطابق متحدہ عرب امارات میں منی بسوں میں سفر کرنے والے مسافروں کی حفاظت کے پیش نظر انتظامیہ نے منی بسوں پر پابندی عائد کرنے کا فیصلہ کیا ہے، رواں سال منی بسوں کے حادثات میں 7 افراد جاں بحق ہوئے تھے۔

فیڈرل ٹریفک کونسل کی جانب سے منی بسوں کو بند کرنے کی درخواست گزشتہ سال مارچ میں دی گئی تھی، امکان ہے کہ درخواست رواں سال منظور کرلی جائے گی۔

درخواست میں کہا گیا ہے کہ منی بسوں کو اس صورت میں چلانے کی اجازت دی جائے جب وہ سامان کی ترسیل کے لیے استعمال ہوں۔

دبئی پولیس کے ترجمان کا کہنا ہے کہ وین میں سفر کرنے والے مسافروں کی زندگیوں کو شدید خطرات لاحق تھے جن کی حفاظت کے پیش نظر یہ اقدام اٹھایا گیا ہے۔

دبئی پولیس ٹریفک ڈیپارٹمنٹ کے ڈائریکٹر کے مطابق دبئی میں ہونے والے 24 خطرناک حادثات میں منی بسیں شامل ہیں، ان حادثات میں 7 افراد جان کی بازی ہار گئے تھے۔

ان کا کہنا تھا کہ وین کے بڑھتے ہوئے حادثات کی وجہ یہ ہے کہ ڈرائیور غفلت کا مظاہرہ کرتے ہیں اور دوسری گاڑیوں کے درمیان مخصوص فاصلہ نہیں رکھتے۔

رپورٹ کے مطابق متحدہ عرب امارات کی سڑکوں پر پچاس ہزار منی بسیں رواں دواں ہیں۔

واضح رہے کہ گزشتہ روز بھی دبئی سے شارجہ جانے والی شاہراہ پر وین اور ٹرک کے درمیان تصادم ہوا جس کے نتیجے میں تین افراد جاں بحق اور آٹھ زخمی ہوگئے تھے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں