ملک میں 8 فروری کو ہونے والے عام انتخابات کے بعد مخصوص سوشل میڈیا اکاؤنٹس سے سرکاری ملازمین کو ہراساں کیا جانے لگا۔
تفصیلات کے مطابق مخصوص سوشل میڈیا اکاؤنٹس سے ریاستی اداروں کو دھاندلی کا ذمہ دار ٹھہرا کر عوام کو اشتعال دلایا جارہا ہے۔
ذرائع کے مطابق وہ افسران جنہوں نے عام انتخابات کے دوران خدمات انجام دیں انہیں باقاعدہ مہم چلا کر ہراساں کیا جارہا ہے، اہل خانہ کو دھمکیاں دی جارہی ہیں۔
- Advertisement -
ذرائع نے بتایا کہ سرکاری افسران کی تصاویر جاری کرکے ان کی زندگی خطرے میں ڈالی جارہی ہے، ریاستی اداروں اور سیکیورٹی عملے کے خلاف پروپیگنڈے کا مقصد عوام کو بھڑکانا اور ملک میں سیاسی عدم استحکام پیدا کرنا ہے جس کا نوٹس لیا جانا چاہئے۔
