آج ہم آپ کے لیے ایک اور چیلنج لے کر آئے ہیں، لیکن ہمارا دعویٰ ہے کہ آپ نظر کے دھوکے سے اس بار بچ نہیں پائیں گے، تو بتائیں کہ کیا آپ اس وائرل تصویر میں خمیدہ یعنی مڑی ہوئی لکیر کو دیکھ سکتے ہیں؟
دراصل سوشل میڈیا پر یہ تصویر وائرل ہو رہی ہے جس نے صارفین کو سر کھجانے کے ساتھ ساتھ تھوڑا چکرا بھی دیا ہے، اس تصویر کو ٹوئٹر پر ‘لارل کونز’ نامی ایک صارف نے پوسٹ کیا ہے اور اس پر کیپشن لکھا: مڑی لکیر تلاش کریں۔
یہ ٹویٹ 4,500 سے زیادہ لائکس اور 1,100 سے زائد ری ٹویٹس کے ساتھ وائرل ہو چکی ہے، بہت سے صارفین نے اپنے جوابات اور وضاحت کے ساتھ ٹویٹ کا جواب بھی دیا، سابق امریکی باسکٹ بال کھلاڑی ریکس چیپ مین نے بھی اس ٹویٹ کے جواب میں دماغ کو چکرا دینے والی ایموجیز پوسٹ کیں۔
زیادہ تر صارفین نے اندازہ لگایا کہ اس تصویر میں کوئی مڑی ہوئی لکیر نہیں ہے، ایک صارف نے جواب دیا کہ ٹائلز کو اس طرح سے ڈیزائن کیا گیا ہے کہ اس سے خمیدہ لکیروں کا وہم ہونے لگتا ہے۔ اگر ہم ٹائلز کو غور سے دیکھیں تو وہ سب ایک جیسی ہیں، لیکن بے ترتیب طریقے سے رکھی گئی ہیں۔
ایک اور صارف نے وضاحت کرتے ہوئے کہا کہ اس ڈیزائن سے نظر کا دھوکا ہوتا ہے، ایک بار جب آپ ٹائلز پر مڑی لکیر کی نشان دہی کر لیں گے، اگلے ہی لمحے آپ کو صرف ایک ہی چیز یعنی سیدھی سبز لکیر ہی نظر آئے گی۔
ایک اور صارف نے لکھا کہ اس میں تو مجھے ہر طرف مڑی لکیریں ہی دکھائی دے رہی ہیں، ہر لکیر مڑی ہے۔ تاہم اکثر صارفین نے اس نظر کے دھوکے کو دل چسپ قرار دیا۔
Find the curved line … 🔁 pic.twitter.com/GCi4ugoy6M
— Laurel Coons 🧬🧬🧬 (@LaurelCoons) December 21, 2021
