کینیڈا : جسٹن ٹروڈو نے دوبارہ الیکشن لڑنے کا اعلان کردیا PM Justin Trudeau
The news is by your side.

Advertisement

کینیڈا : جسٹن ٹروڈو نے دوبارہ الیکشن لڑنے کا اعلان کردیا

اوٹاوا : کینیڈا کے وزیر اعظم جسٹن ٹروڈو نے آئندہ برس ہونے والے عام انتخابات میں چوتھی مرتبہ  الیکشن لڑنے کا اعلان کردیا ہے۔

تفصیلات کے مطابق کینیڈا کے موجودہ وزیر اعظم اور لیبرل پارٹی کے سربراہ جسٹن ٹروڈو نے اتوار کے روز اعلان کیا ہے کہ وہ سنہ 2019 میں منعقد ہونے والے عام انتخابات میں دوبارہ حصّہ لیں گے۔

غیر ملکی خبر رساں ادارے کا کہنا تھا کہ لیبرل پارٹی کے سربراہ جسٹن ٹروڈو کو ان کی پارٹی نے سرکاری طور پر آئندہ برس ہونے والے الیکشن کے لیے دوبارہ نامزد کیا ہے، ٹروڈو سنہ 2008 سے کینیڈین حکومت میں عہدہ سنبھالے ہوئے ہیں۔

کینیڈین میڈیا کا کہنا ہے کہ جسٹن ٹروڈو نے سنہ 2011 میں دوسری مرتبہ الیکشن میں کامیابی  اور سنہ 2015 میں تیسری مرتبہ انتخابات جیتنے کے بعد ملک کے وزیر اعظم کی حیثیت سے حلف اٹھایا تھا۔

کینیڈین وزیر اعظم ٹروڈو نے کہا ہے کہ ’خوف اور تقسیم کی سیاست اور اختلافات کے باوجود لوگوں مثبت انداز میں مشترکات پر ایک میدان میں جمع کرنا ہی ملک اور دنیا کو مضبوط بنانے کا واحد راستہ ہے۔

جسٹن ٹروڈو نے وعدہ کیا کہ ملک میں امیر اور غریب کے درمیان فرق کو مٹائیں گے اور غریب عوام کو اوپر لائیں گے۔

خیال رہے کہ گذشتہ ماہ کینیڈا کے وزیر اعظم نے اپنی حکومت میں کچھ رد و بدل کیا تھا، تاکہ سنہ 2019 میں ہونے والے انتخابات سے قبل عالمی تجارت میں پیدا ہونے مسائل اور آبادی میں اضافے کے مسئلے کو حل کیا جاسکے۔

غیر ملکی خبر رساں ادارے کا کہنا تھا کہ جسٹن ٹروڈو اور ان کی پارٹی کی جانب سے برابری کا نعرہ لوگوں کو اپنی طرف مائل کرنے کے لیے لگایا گیا ہے کیوں کہ ان کی مخالف کنزرویٹو پارٹی زیادہ مضبوط اور محتاط ہے۔

Comments

comments

یہ بھی پڑھیں