سعودی عرب کے شہر ریاض میں ٹریفک پولیس نے دو افراد کو کچل کر موقع سے فرار ہونے والے ڈرائیور کو حراست میں لے لیا ہے۔
بین الاقوامی خبر رساں ادارے کی رپورٹ کے مطابق ریاض پولیس کا اس حوالے سے کہنا ہے کہ ایک گاڑی کے ڈرائیور نے دو راہگیروں کو کچل دیا اور موقع سے فرار ہوگیا۔ حادثے میں ایک شخص جاں بحق جبکہ دوسرا زخمی ہوگیا۔
ریاض پولیس کے جاری کردہ بیان میں کہا گیا ہے کہ گرفتار ڈرائیور کو قانونی کارروائی کے لیے متعلقہ ادارے کے حوالے کر دیا گیا ہے۔
دوسری جانب گزشتہ روز انڈونیشیا کے جزیرے جاوا میں دو مسافر ٹرینوں میں خوفناک تصادم کے باعث میں 3 افراد ہلاک جبکہ 28 سے زائد زخمی ہوگئے۔
صبح تقریباً ساڑھے 6 بجے دونوں ٹرینوں میں تصادم ہوا جس کے باعث ٹرینوں کی بوگیاں اُلٹ گئیں۔
حکام کے مطابق مذکورہ ٹرین بانڈونگ رایا مسافر ٹرین سے ٹکرا گئی، جس میں 191 مسافر سفر کررہے تھے، جبکہ ترنگا ایکسپریس ٹرین میں 287 مسافر سوار تھے جو مشرقی جاوا کے شہر سورابایا سے سفر کر رہے تھے۔
امریکا میں برفانی طوفان کا الرٹ جاری
دونوں ٹرینوں میں موجود سوار تقریباً 500 افراد کو بحفاظت ریسکیو کرلیا گیا ہے جبکہ زخمی ہونے والے افراد کو مقامی اسپتال منتقل کردیا گیا ہے۔
