شہداد کوٹ: کار کی ٹنکی مرمت کے دوران پھٹنے سے 2 افراد جاں بحق اور 15 سالہ لڑکا زخمی ہوگیا۔
تفصیلات کے مطابق شہداد کوٹ میں کار کی ٹینکی مرمت کے دوران دھماکے سے پھٹ گئی۔
ریسکیوحکام نے بتایا کہ حادثے میں دو افراد جاں بحق اور پندرہ سالہ لڑکا زخمی ہوا، خالی کار کی ٹینکی گیس ویلڈنگ سے مرمت کی جا رہی تھی۔
- Advertisement -
جاں بحق افرادکی شناخت کار ڈرائیور یاسراورشمس کےنام سے ہوئی ہے، زخمی لڑکاشاہ جہاں تشویشناک حالت میں لاڑکانہ اسپتال منتقل کردیا۔
یاد رہے 2 روز قبل فیصل آباد کے علاقے سلطان پورہ میں الیکٹرک موٹر سائیکل کی بیٹری پھٹنے سے گھر میں خوفناک آتشزدگی ہوئی تھی، واقعے میں 3 شیر خوار بچوں سمیت 10 افرادجھلس کر زخمی ہوگئے تھے۔
پولیس نے بتایا تھا کہ اوورچارجنگ کی وجہ سے موٹر سائیکل کی بیٹری پھٹی۔
