The news is by your side.

Advertisement

کراچی میں کرونا وائرس کے مریضوں کی تعداد 61 ہوگئی

کراچی : شہر قائد میں کرونا وائرس کےمزید 2 نئے کیس سامنے آگئے، جس کے بعد کراچی میں 61 اور سندھ بھر میں مجموعی تعداد 213 ہوگئی ہے۔

تفصیلات کے مطابق پاکستان میں کرونا وائرس کے مریضوں کی تعداد میں اضافہ ہوتا جارہا ہے، کراچی میں کرونا وائرس کےمزید 2 نئے کیس سامنے آگئے، جس کے بعد کراچی میں 61 اور سندھ بھر میں مجموعی تعداد 213 ہوگئی ہے۔

محکمہ صحت کا کہنا ہے کہ حیدر آبادمیں کوروناوائرس کا ایک کیس ہے، اس سے قبل کرونا وائرس کے 3 کیسز رپورٹ ہوئے تھے، محکمہ صحت سندھ کا کہنا تھا کہ کراچی میں تینوں کیسز مقامی ہیں، ان کی کوئی ٹریول ہسٹری نہیں۔

یاد رہے بلوچستان میں مزید انتیس کیسز کی تصدیق ہوگئی، پنجاب میں کرونا مریضوں کی تعداد اٹھہتر ، اسلام آباد میں چار اور پختونخوامیں 23 مریض زیرعلاج ہیں جبکہ پورے ملک میں اب تک چار مریض مکمل صحت یاب ہو چکے ہیں۔

مزید پڑھیں : ایکسپو سینٹر کراچی میں پاک فوج کے تعاون سے فیلڈ اسپتال کے قیام کا بڑا فیصلہ

خیال رہے سندھ حکومت نے کرونا وائرس کے ہنگامی صورت حال سے نمٹنے کے لیے ایکسپو سینٹر کراچی میں پاک فوج کے تعاون سے فیلڈ اسپتال قائم کرنے کا فیصلہ کر کے تیاریاں شروع کر دی ہیں۔

سندھ حکومت کی ٹیم کی سربراہی سعید غنی کریں گے، کمشنر کراچی معاونت کریں گے، جب کہ کور کمانڈر کراچی ٹیم کی سربراہی بریگیڈیئر سمیع کریں گے۔

وزیر اعلیٰ سندھ مراد علی شاہ نے کمشنر کو فیلڈ اسپتال کے لیے بستر اور دیگر سامان خریدنے کی ہدایت بھی کر دی ہے۔

fb-share-icon0
Tweet 20

Comments

comments

یہ بھی پڑھیں