ملائیشیا میں ایک کلاس میں لیکچر کے دوران وہاں موجود ایک بلی بور ہو کر سوگئی۔ کلاس میں موجود طلبا نے بلی کو بھی اپنی طرح اکتایا ہوا قرار دے دیا۔
سماجی رابطوں کی ویب سائٹ ٹوئٹر پر پوسٹ کی جانے والی چند ٹوئٹس کے مطابق ملائیشیا کی اسلامک یونیورسٹی میں ایک بلی گھومتے گھومتے ایک کلاس میں داخل ہوگئی۔
کلاس میں موجود طلبا اس وقت شدید حیرانی کا شکار ہوگئے جب انہوں نے دیکھا کہ بلی ڈیسک پر چڑھ کر بیٹھ گئی اور نہایت غور سے لیکچر سن رہی ہے۔ شاید وہ انسانوں سے کچھ سیکھنا چاہتی تھی۔
تاہم جلد ہی وہ بوریت کا شکار ہوگئی اور اسی ڈیسک پر لیٹ کر سوگئی۔
ٹوئٹر پر یہ تصاویر وائرل ہونے کے بعد دنیا بھر کے طلبا نے یونیورسٹی کی خشک کلاسوں اور لیکچرز کو تنقید کا نشانہ بناتے ہوئے ان کا مذاق اڑایا۔
طلبا نے اس بلی کی حالت سے اپنی حالت کو مماثل قرار دیتے ہوئے کہا کہ خشک لیکچر کو سنتے ہوئے ان کا بھی ایسا ہی حال ہوجاتا ہے اور وہ سوجانا چاہتے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
