پالتو جانور رکھنے کے شوقین افراد کے لیے یہ بات کسی صدمے سے کم نہیں ہوتی کہ ان کا جانور کہیں کھو جائے یا اسے کچھ ہوجائے کیونکہ انہیں اپنے پالتو جانور سے کافی لگاؤ ہوجاتا ہے۔
امریکی ریاست لاس اینجلس کے شہری کے ساتھ ایسا ہی واقعہ پیش آٰیا کہ انہیں اپنی 15 سال سے لاپتا بلی حیرت انگیز طور پر دوبارہ مل گئی۔
امریکی شہری چارلس نے 2005 میں 2 ماہ کی ایک بلی گود لی تھی جو کہ ایک دن گم ہوگئی تھی۔
چارلس نے بتایا کہ انہوں نے بلی کو ہر جگہ ڈھونڈا لیکن وہ کہیں نہیں ملی جس کے بعد انہوں نے دو اور بلیاں پال لیں۔
امریکی شہری کا کہنا تھا کہ گزشتہ دنوں انہیں لاس اینجلس کنٹری اینمیل شیلٹر اور ایک کمپنی کی کال موصول ہوئی، کمپنی کی جانب سے گمشدہ بلی کے اوپر چپ لگائی تھی۔
چارلس نے بتایا کہ انہیں یقین نہیں آرہا تھا کہ 15 سال بعد ان کی بلی انہیں کیسے مل سکتی ہے، بعدازاں وہ بلی کو لینے کے لیے گئے تو انہوں نے دیکھا کہ ان کی بلی کافی کمزور ہوگئی تھی۔
امریکی شہری کا کہنا تھا کہ وہ اپنی گمشدہ بلی کو اپنے ساگھ گھر لے آئے اور ان کی بلی بھی گھر آنے کے بعد کافی خوش نظر آرہی تھی۔
