تازہ ترین

کراچی کے عباسی شہید اسپتال میں بلیوں کا راج

کراچی: شہر قائد کے علاقے ناظم آباد میں واقع عباسی شہید اسپتآل میں بلیوں کا راج ہے، پچھلے کئی سال سے اسپتال کے وارڈ میں بلیاں موجود ہیں، انتظامیہ کی جانب سے اس پر کوئی توجہ نہیں دی گئی۔

نمائندہ اے آر وائی نیوز فیض اللہ خان کے مطابق شہر قائد کے علاقے ناظم آباد میں واقعہ عباسی شہید اسپتال کے وارڈ میں مریضوں کی موجودگی میں بلیاں بیڈ پر موجود ہوتی ہیں اور انتظامیہ کی جانب سے اس طرف کوئی توجہ نہیں دی جاتی۔

عباسی شہید اسپتال ضلع سینٹرل میں موجود ہیں اور ناظم آباد سمیت دور دراز علاقوں سے عوام اپنا علاج کروانے اسی اسپتال میں آتے ہیں اور مریضوں کو بعض اوقات بیڈ نہ ہونے کے باعث دشواری کا سامنا بھی کرنا پڑتا ہے۔

ویڈیو میں دیکھا جاسکتا ہے کہ جنرل وارڈ میڈیکل یونٹ ون میں مریض موجود ہیں اور ساتھ ہی تین بلیاں بھی بیڈ پر موجود ہیں۔

مریضوں کے ساتھ آئے ہوئے لواحقین کا کہنا ہے کہ انتظامیہ اس کا نوٹس لے، اسپتال میں صفائی ستھرائی کرائی جائے اور مریضوں کو بہترین طبی سہولیات فراہم کی جائیں۔

واضح رہے کہ چند دن قبل نیشنل اسٹیڈیم کے اطراف معروف نجی اسپتال کے کوریڈور میں چوہے گھومنے کی ویڈیو وائرل ہوئی تھی۔

خیال رہے کہ معروف نجی اسپتال میں علاج انتہائی مہنگا ہے اور غریب آدمی اس اسپتال میں علاج کروانے سے قاصر ہے، اسپتال میں صفائی ستھرائی نہ ہونا انتظامیہ کی نااہلی ظاہر کرتا ہے۔

Comments

- Advertisement -