کراچی :اے آر وائی ڈیجیٹل نیٹ ورک کے بانی اور سی ای او سلمان اقبال نے اے آر وائی نیوز کے اینکر پرسن اقرار الحسن کی گرفتاری پر انہیں سپورٹ کرنے والوں اور ہمدردوں کا شکریہ ادا کیا ہے۔
سماجی رابطے کی ویب سائٹ ٹوئٹر پر سلمان اقبال نے ٹوئٹ کرتے ہوئے اپنے پیغام میں ان تمام لوگوں کا شکریہ ادا کیا جنہوں نے مشکل وقت میں ان کے ادارے کو سپورٹ کیا ۔
Thank you for those who helped us regarding @iqrarulhassan . Thank you Pakistan for the love and respect for our hard work.
— Salman Iqbal ARY (@Salman_ARY) April 30, 2016
گزشتہ روز اے آروائی کے پروگرام ’ سرعام‘ کےاینکراقرارالحسن نے اسٹنگ آپریشن کرتے ہوئے سندھ اسمبلی میں اسلحہ لےجاکر فول پروف سیکیورٹی کا پردہ چاک کردیا تھا۔
سندھ اسمبلی کی ناقص سیکورٹی کی نشاندہی کرنے پر اینکراقرارالحسن کو ساتھی کامران سمیت گرفتار کرلیا گیا تھا،جس کے بعد انہیں کراچی کے آرام باغ تھانے منتقل کردیا گیا تھا ۔
تاہم آج بروز ہفتہ عدالت نے اقرارالحسن کی ضمانت منطور کرتے ہوئے انہیں رہا کردیا۔