لاہور : پاکستان تحریک انصاف کے صدر اور سابق وزیراعلیٰ پنجاب پرویز الٰہی کے صاحبزادے مونس الہٰی نے اپنے والد کی گرفتاری پر اپنے شدید ردعمل کا اظہار کیا ہے۔
سماجی رابطے کی ویب سائٹ ایکس (سابقہ ٹوئٹر) پر اپنے پیغام میں انہوں نے کہا کہ پولیس نے چوہدری پرویزالٰہی کو لاہور ہائی کورٹ کی جانب سے رہا کرنے کے باوجود دوبارہ گرفتار کیا ہے۔
After high court’s orders and on the Judge’s instructions police including court security were taking my father home. As the car entered our street, it was stopped and he was abducted. If court orders are going to be ridiculed like this maybe they should officially declare it.
— Moonis Elahi (@MoonisElahi6) September 1, 2023
مونس الٰہی کا کہنا تھا کہ پولیس واضح عدالتی احکامات کے بعد میرے والد کو گھر لے کر جارہی تھی کہ گھر کے پاس گلی میں داخل ہوتے ہی میرے والد کو اغوا کیا گیا، یہ عدالتی احکامات کی سنگین خلاف ورزی ہے۔
یاد رہے کہ عدالت سے رہائی کے بعد چوہدری پرویز الٰہی کو اسلام آباد پولیس نے ایک بار پھر نقص امن کے تحت ظہور الٰہی روڈ سے گرفتار کیا، ان کی تھری ایم پی او قوانین کے تحت گرفتاری عمل میں لائی گئی ہے، ان کی اسلام آباد منتقلی خصوصی ہیلی کاپٹر کے ذریعے کی جا رہی ہے۔
اس حوالے سے ذرائع کا کہنا ہے کہ پرویز الٰہی کو 3 ایم پی او کے تحت 15 دن کیلئے اڈیالہ جیل میں نظربند کیا جائے گا۔