The news is by your side.

Advertisement

نواز شریف کے خلاف ایک اور ریفرنس دائر کرنے کی منظوری

اسلام آباد : چیئرمین نیب جسٹس (ر) جاوید اقبال نے نواز شریف کے خلاف ایک اور ریفرنس دائر کرنے کی منظوری دے دی ، ریفرنس بلٹ پروف گاڑیوں کےغیرقانونی استعمال پر تیار کیا گیا ہے۔

تفصیلات کے مطابق چیئرمین نیب جسٹس (ر) جاوید اقبال کی زیر صدارت نیب ایگزیکٹو بورڈ کا اجلاس ہوا، جس میں نواز شریف کے خلاف ایک اور ریفرنس دائر کرنے کی منظوری دے دی گئی ، ریفرنس بلٹ پروف گاڑیوں کےغیرقانونی استعمال پر تیار کیا گیا ہے، ریفرنس میں سابق ڈی جی آفتاب سلطان ،سابق سفیر اعتزاز چوہدری ،فواد حسن فواد کا نام شامل ہیں۔

نیب اجلاس میں سابق سیکریٹری داخلہ شاہد خان کیخلاف، سابق چیئرمین این پی ایف محمدرفیق حسن ودیگر اور سابق چیئرمین سی ڈی اےفرخنداقبال ودیگر کیخلاف بدعنوانی ریفرنس کی منظوری دی، ملزمان پراختیارات کاناجائزاستعمال کرنےکاالزام ہے۔

چیئرمین نیب کی جانب سے اسپورٹس بورڈ پنجاب کےافسران کیخلاف ریفرنس دائرکرنے اور سابق ڈی جی اسپورٹس عثمان انور،ولایت علی شاہ ودیگر کیخلاف ریفرنس کی منظوری بھی دی گئی۔

نیب ایگزیکٹوبورڈ کے اجلاس میں 4انکوائریوں کی بھی منظوری دی گئی، جن میں ایم این اے رانا ثنا اللہ کےخلاف ،سابق ڈی جی عبدالسلام اسکول آف سائنسزاللہ دتہ کیخلاف اور اختر عباس سابق جی ایم ٹیوٹا لاہور اور دیگر کے خلاف انکوائری شامل ہیں۔

Comments

یہ بھی پڑھیں