The news is by your side.

Advertisement

نیوزی لینڈ کے ساتھ اب آئی سی سی میں بات کریں گے: چیئرمین پی سی بی

لاہور: نیوزی لینڈ ٹیم کی جانب سے دورہ منسوخ کرنے پر چیئرمین پی سی بی نے مایوسی کا اظہار کر دیا ہے۔

تفصیلات کے مطابق پاکستان کرکٹ بورڈ کے چیئرمین رمیز راجہ نے کہا ہے کہ سیکیورٹی کو جواز بنا کر ٹور ختم کرنا بہت افسوس ناک ہے، نیوزی لینڈ سے اب انٹرنیشنل کرکٹ کونسل (آئی سی سی) میں بات کریں گے۔

رمیز راجہ کا کہنا تھا کہ نیوزی لینڈ کی جانب سے اچانک دورہ منسوخی پاکستانی فینز اور کھلاڑیوں کے لیے افسوس ناک خبر ہے۔

پی سی بی کے سی ای او وسیم خان نے وزارت داخلہ کے باہر میڈیا سے گفتگو کرتے ہوئے کہا کہ نیوزی لینڈ کرکٹ ٹیم کل خصوصی چارٹرڈ فلائٹ کے ذریعے واپس جائے گی، یہ افسوس ناک امر ہے، جو ہوا بہت غلط ہوا۔

واضح رہے کہ آج پاکستان اور نیوزی لینڈ کے درمیان سیریز کا پہلا ون ڈے میچ ہونے جا رہا تھا، اچانک کیوی کرکٹ بورڈ نے سیکیورٹی کو جواز بنا کر سیریز منسوخ کرنے کا اعلان کر دیا۔

بعد ازاں، پاکستانی وزیر اعظم عمران خان نے اپنے کیوی ہم منصب سے فون پر بات کی، جس میں جیسنڈا آرڈرن نے سیریز کی منسوخی کی استدعا کی۔

ادھر انگلینڈ کرکٹ بورڈ نے بھی پاکستان کے دورے سے متعلق اہم بیان جاری کر دیا ہے، بورڈ کا کہنا ہے کہ پاکستان کے دورے سے متعلق فیصلہ 24 سے 48 گھنٹے میں کریں گے۔

Comments

یہ بھی پڑھیں