کراچی: سول اسپتال میں سیاسی جماعت کے دو گروپوں کے درمیان جھگڑے کے واقعے کی سی سی ٹی وی فوٹیج سامنے آ گئی ہے۔
تفصیلات کے مطابق کراچی کے علاقے چاکیواڑہ میں کامیابی کا جشن منانے پر مبینہ تشدد سے 4 افراد زخمی ہوئے تھے، جنھیں طبی امداد کے لیے سول اسپتال لایا گیا تھا، تاہم سول اسپتال کے اندر بھی سیاسی جماعت کے کارکنان آپس میں لڑ پڑے تھے۔
اس لڑائی کی سی سی ٹی وی فوٹیج سامنے آئی ہے، جس میں دیکھا جا سکتا ہے کہ مسلح افراد نے سول اسپتال میں توڑ پھوڑ کی، اور ایک مسلح شخص کو براہ راست فائرنگ کرتے دیکھا جا سکتا ہے۔
ویڈیو میں مسلح افراد اور جھگڑے میں ملوث افراد کے چہرے واضح نظر آتے ہیں، اس جھگڑے کی سی سی ٹی وی فوٹیج کے باوجود پولیس نے تاحال فائرنگ اور توڑ پھوڑ کرنے والے افراد کے خلاف کوئی کارروائی نہیں کی ہے۔
نذیر شاہ کراچی میں اے آر وائی نیوز سے وابستہ سینئر صحافی اور کرائم رپورٹر ہیں، وہ 14 سال سے زائد عرصے سے اپنے شعبے میں مصروف عمل ہیں اور انویسٹیگیٹو نیوز بریکنگ میں مہارت رکھتے ہیں، اور کراچی کے جرائم اور پولیس نظام سے متعلق گہری سمجھ بوجھ کے حامل ہیں۔