بھارت اور بنگلادیش میچ میں چیمپئنز ٹرافی کے لوگو پر پاکستان کا نام نہ ہونے کا معاملا پی سی بی نے آئی سی سی کے سامنے اٹھا دیا۔
پاکستان کرکٹ بورڈ میچ میں پاکستان کا نام براڈکاسٹ نہ کیےجانے پر کرکٹ کے عالمی نگراں ادارے آئی سی سی کو خط لکھ دیا ہے۔
آئی سی سی میچ کےدوران لوگو میں پاکستان کا نام نہ ہونے پر غلطی تسلیم کر چکی ہے۔ آئی سی سی نے پی سی بی کو غیررسمی طور پر بتایا گرافکس میں غلطی تکنیکی وجہ سے ہوئی۔
آئی سی سی ترجمان نے مزید بتایا میچ کے دوران لوگو تبدیل کرنا ممکن نہیں تھا۔
چیمپئنز ٹرافی: بھارت بنگلہ دیش میچ میں پاکستان کا نام لوگو سے کیوں غائب ہوا؟
ذرائع کے مطابق پی سی بی انٹرنیشنل کرکٹ کونسل کی جانب سے ملنے والے جواب پر مطمئن نہیں ہے اور اس معاملے پر آئی سی سی کو باضابطہ خط لکھ دیا ہے۔
آئی سی سی ایونٹ میں لائیو میچ کے دوران لوگو میں میزبان کا نام ہمیشہ لکھا ہوتا ہے۔ پاکستان کرکٹ بورڈ نے خط میں آئی سی سی سے معاملے پر وضاحت مانگی ہے۔
پی سی بی نے آئی سی سی سے ایسا دوبارہ نہ ہونے کی یقین دہانی بھی مانگی ہے۔
