قربانی کا جانور ذبح کرنے کے بعد گھر میں سب سے پہلے جو چیز پکائی جاتی ہے وہ ہے کلیجی، جس کا انتظار سب گھر والوں کو ہوتا ہے کہ کب اسے گرما گرم روٹیوں سے ساتھ کھایا جائے۔
مزیدار اور ذائقے دار کلیجی بنانے کا آسان اور کم سے کم وقت میں بنانے کا کیا طریقہ کیا ہے اس کیلئے اے آر وائی نیوز کے پروگرام باخبر سویرا میں شیف ثمرین جنید نے ناظرین کو اس کی ترکیب بتائی۔
انہوں نے ناظرین کو چرغہ کلیجی بنانے کی آسان بتائی جس کے مطابق
اجزاء :
ایک کلو کلیجی
ایک کلو پیاز
تین پاؤ ٹماٹر
اجوائن اور سفید زیرا ایک ایک چمچ
ثابت لال مرچ 10 سے بارہ
نمک حسب ذائقہ
ادرک اور لہسن کا پیسٹ ایک ایک چمچ
تھوڑی سی ہری مرچیں
ترکیب :
پیاز کو آملیٹ جیسی باریک کاٹ لیں اور تیل میں بھون کر ہلکا سا براؤن کرلیں اس کے بعد کلیجی کی بوٹیاں اس ڈال کر بھون لیں اور جب پیاز گلابی مائل ہوجائے تو چولہے کی آنچ تیز کردیں۔ اور 15 منٹ بعد کلیجی تیار ہوجائے گی۔
اس دوران ٹماٹروں کو ابالنے کے بعد چھلکا اتار کر پیسٹ بنالیں، اس کے بعد اجوائن زیرا اور ثابت مرچ کو توے پر بھون کر پیس لیں، یاد رہے کہ یہ چرغہ مصالحہ آپ نے پہلے سے تیار کرکے رکھ لینا ہے۔
اس کے بعد کلیجی میں ٹماٹر ڈال کر بھون لیں اور جب تیل اوپر آنے لگے تو ہری مرچ کو چھوٹی چھوٹی کاٹ کر تھوڑا سا اور بھونیں اس کے بعد اس میں تیار کیا ہوا چرغہ مصالحہ اور ہرا دھنیا ڈال کر کر چولہا بند کریں اور ڈش پر ایک لیمن نچوڑ لیں، مزیدار چرغہ کلیجی تیار ہے۔
