بھارتی ریاست اتر کھنڈ کے شہر ہری دوار میں ایسا دلکش طوفان آیا جس نے لوگوں کے دل موہ لیے اور وہ اس کی فلم بندی پر مجبور ہوگئے، مذکورہ طوفان کی ویڈیوز انٹرنیٹ پر زیر گردش ہیں۔
ایک ایسے وقت میں جب کہ ہندوستان کے جنوبی حصے میں بارشوں نے تباہی مچائی ہوئی ہے اور کئی افراد اس سے متاثر ہوئے ہیں، اترکھنڈ میں لوگوں کو ایک دلکش طوفان کا نظارہ دیکھنے کو ملا۔
ویڈیو میں دیکھا جاسکتا ہے کہ اتراکھنڈ کے شہر ہری دوار میں بڑے پیمانے پر بادل آسمان پر چھا گئے ہیں، ابر آلود موسم میں آسمان پر بادلوں کی تشکیل اس طرح ہوئی کہ لوگوں کو لگا کوئی طوفان آنے والا ہے۔
مذکورہ ویڈیو ایک صارف کی جانب سے 9 جولائی کو ٹوئٹر پر شیئر کی گئی، جس میں کئی افراد اس منظر کو فلم بند کرتے ہوئے کہہ رہے ہیں کہ لگتا ہے طوفان آیا ہے۔
Shared by a friend. Shot today near Haridwar. Spectacular shelf cloud.
#Manali #Storm #Rain #thunderstorm #shelfcloud pic.twitter.com/he9KXg9qse
— Anindya Singh (@Anindya_veyron) July 9, 2023
اس حوالے سے ماہرین کا کہنا ہے بادلوں کی ایسی تشکیل کو ’’شیلف کلاؤڈ‘‘ یا ’’آرکس کلاؤڈ‘‘ کہا جاتا ہے اور یہ اکثر گرج چمک کے ساتھ ساتھ بنتا ہے۔