چین: بس ڈرائیور اور مسافر میں جھگڑا کی وجہ سے بس دریا میں جاگری china
The news is by your side.

Advertisement

چین: بس ڈرائیور اور مسافر میں جھگڑا کی وجہ سے بس دریا میں جاگری

بیجنگ: دوران سفر بس ڈرائیور اور خاتون میں تلخ کلامی کے بعد ہاتھا پائی بس بے قابو ہوکر دریا میں جاگری جس کے نتیجے میں 15 افراد ہلاک ہوگئے۔

تفصیلات کے مطابق رواں ہفتے اتوار کو چین کے شہر چون گنگ میں مسافر بس تیز رفتاری کے باعث بے قابو ہوکر دریائے یانگر میں جاگری تھی جس کے باعث کئی مسافر ہلاک ہوگئے تھے۔

برطانوی خبر رساں ادارے کا کہنا تھا کہ بل سے مسافر بس کے دریا میں گرنے کی اطلاع ملتے ہی ہنگامی خدمات انجام دینے والا عملے نے فوری جائے وقوعہ پر پہنچ کر ریسکیو آپریشن شروع کردیا تھا۔

چینی پولیس کا کہنا ہے کہ ریسکیو اہلکاروں نے سرچ آپریشن کے دروان بس کا ملبہ اور 15 مسافروں کی لاشیں دریا سے نکال لی تھیں

برطانوی خبر رساں ادارے کا کہنا ہے کہ چینی حکام نے بس حادثے کی اصل وجوہات کا پتہ چلاتے ہوئے بس کی اندورونی ویڈیو جاری کردی ہے۔

غیر ملکی خبر رساں ادارے کا کہنا ہے کہ ڈرائیور نے اسٹاپ پر بس نہیں روکی جس کے باعث خاتون مسافر مشتعل ہوگئی اور تلخ کلامی کے بعد ڈرائیور پر تشدد شروع کردیا۔

چینی حکام کا کہنا تھا کہ ڈرائیور نے بھی خاتون مسافر کے حملے کا جواب دیا اور توجہ سڑک پر سے ہٹالی جس کے باعث بس قابو سے باہر ہوگئی اور پل پر لگا جنگلہ توڑتی ہوئی دریا میں جاگری۔

غیر ملکی خبر رساں ادارے کا کہنا تھا کہ حادثے کی اصل وجوہات کی ویڈیو بس کے اندر لگے کیمروں میں محفوظ ہوگئی تھی۔

پولیس کا کہنا ہے کہ رین نامی بس ڈرائیور سے جھگڑا کرنے والی خاتون کی شناخت 48 سالہ لیو کے نام ہوئی ہے جو اسٹاپ گزرنے پر آپے سے باہر ہوگئی تھی۔

Comments

comments

یہ بھی پڑھیں