اسلام آباد : چین نے پاکستان میں انتخابات کو بہترین قرار دیتے ہوئے کہا چین نئی پاکستانی حکومت سے مل کر کام کرنے کا خواہاں ہے۔
تفصیلات کے مطابق چینی حکومت کے ترجمان کی جانب سے بہترین انتخابات کے انعقاد پر پاکستانی قوم کو مبارکباد دی گئی۔
ترجمان کا کہنا تھا کہ پاکستان میں عام انتخابات مستحکم اورہموارطریقے سے منعقد کیے گئے، ایک قریبی اور دوست ہمسایہ کےطور پر چین پاکستانی عوام کےانتخاب کااحترام کرتا ہے
چینی حکومت کے ترجمان نے کہا کہ چین پاکستان کی آنیوالی نئی حکومت سے ملکرکام کرنے کا خواہاں ہے، امید ہے متعلقہ جماعتیں سیاسی یکجہتی اورسماجی استحکام برقرار رکھنے کیلئے ملکر کام کریں گی۔
چینی ترجمان کے مطابق چین پاکستان کمیونٹی کی تعمیر کو تیز کرنے کیلئے پاکستان کیساتھ کام کرنے کی امید رکھتا ہے، دونوں ممالک کے عوام کے فائدے کے لیے نیا دور شروع کیا جائے گا۔
ترجمان نے مزید کہا کہ یقین ہے پاکستان میں متعلقہ فریق یکجہتی پرقائم رہ سکتےہیں اور مسائل کے حل کیلئے ملکر کام کر سکتے ہیں۔
