چین نے انٹرنیشنل مسافروں کیلیے نرمیوں کا اعلان کردیا

چین نے بیرون ملک سے آنے والے مسافروں کے لیے قرنطینہ کی مدت میں کمی کر دی۔

چینی میڈیا کے مطابق بین الاقوامی مسافروں کے ملک میں داخلے کے لیے 21 روزہ قرنطینہ کی مدت میں کمی کر کے 7 دن کر دی گئی ہے۔

اسٹیٹ کونسل کی جانب سے جاری نئی رہنما ہدایات کے مطابق انٹرنیشنل مسافروں کو ملک میں داخلے کے لیے 7 روزہ سینٹرل قرنطینہ اور 3 روزہ گھریلو مانیٹرنگ کرنا ہو گی۔

نئے پروٹوکول کے تحت بین الاقوامی مسافروں کے لیے نیوکلیک ایسڈ ٹیسٹ بھی تبدیل ہو گئے ہیں، جن میں سنٹرلائزڈ قرنطینہ میں گزارے گئے سات دنوں میں سے پانچ اور گھر کی نگرانی کے تین دنوں کے لیے ایک ٹیسٹ لازمی ہے۔

کورونا مریضوں سے قریبی رابطوں والے کیے لیے شرائط میں نرمی کی گئی ہے اور اب ایسے افراد کو طبی مشاہدے کے لیے آئیسولیشن مرکز کی بجائے گھروں میں قرنطینہ کرنے کی اجازت دی گئی ہے۔

Comments