چین نے 3 سال بعد غیرملکیوں کے لیے اپنے ملک کے دروازے کھولنے کا فیصلہ کیا ہے۔
چین کا کہنا ہے کہ وہ بدھ سے غیر ملکیوں کو تمام زمروں کے ویزے جاری کرنا شروع کر دے گا اور سرحد پار سے آنے والوں کے لیے ’کنٹرول‘ کے اقدامات ختم کر دے گا جو اس نے تین سال قبل COVID-19 وبائی امراض کے آغاز پر عائد کیے تھے۔
چین نے 2020 کے اوائل میں غیر ملکیوں کو ویزے اور اپنے لوگوں کو پاسپورٹ جاری کرنا بند کر دیا تھا۔
چین – برطانیہ بزنس کونسل کے منیجنگ ڈائریکٹر ٹام سمپسن نے خبر رساں ادارے رائٹرز کو بتایا کہ ہر قسم کے ویزوں کے لیے درخواستیں دوبارہ شروع کرنا برطانیہ اور چین کے درمیان معمول کے سفر کی بحالی میں ایک اور اہم رکاوٹ کو دور کرے گا۔
منگل کو وزارت خارجہ نے کہا کہ چین کے وہ علاقے جن کو وبائی مرض سے پہلے ویزے کی ضرورت نہیں تھی وہ ویزا فری داخلے پر واپس آجائیں گے اس میں جنوبی سیاحتی جزیرہ ہینان اور شنگھائی بندرگاہ سے گزرنے والے کروز جہاز شامل ہوں گے۔
ہانگ کانگ اور مکاؤ کے غیر ملکیوں کے لیے گوانگ ڈونگ کے جنوبی مینوفیکچرنگ ہب میں ویزا فری داخلہ بھی دوبارہ شروع ہو جائے گا۔
وزارت نے یہ بھی کہا کہ 28 مارچ 2020 سے پہلے جاری کردہ ویزا رکھنے والے غیر ملکی بھی چین میں داخل ہو سکیں گے۔
بیجنگ نے گزشتہ سال کے آخر میں 8 جنوری کو اپنے شہریوں سے پاسپورٹ کے لیے درخواستیں لینا شروع کر دi تھیں۔
