اسلام آباد : وزیرخزانہ اسحاق ڈار کا کہنا ہے کہ چینی بینک آج تیس کروڑ ڈالر پاکستان کو دے گا، اس سے پہلے ایک ارب ڈالر پاکستان کو فراہم کر چکا ہے۔
تفصیلات کے مطابق وزیر خزانہ اسحاق ڈار نے سماجی رابطے کی ویب سائٹ ٹوئٹ پر اپنے پیغام میں کہا کہ چینی بینک آئی سی بی سی آج تیس کروڑ ڈالر اسٹیٹ بینک کو دے گا، چینی بینک ایک ارب ڈالرپاکستا ن کو پہلے ہی فراہم کر چکا ہے، پاکستان نے آئی سی بی سی کو ایک اعشاریہ تین ارب ڈالر کی رقم واپس کردی تھی۔
Out of Chinese Bank’s #ICBC approved facility of $1.3 billion (which was earlier repaid by Pakistan), State Bank of Pakistan would receive back third and last disbursement today in its account amounting to $ 300 million.
It will shore up forex reserves of Pakistan.
AlhamdoLilah!— Ishaq Dar (@MIshaqDar50) April 14, 2023
اس سے قبل وزیرخزانہ اسحاق ڈار نے اپنے ٹوئٹ میں لکھا تھا کہ متحدہ عرب امارات نے آئی ایم ایف کو پاکستان کیلئے ایک ارب ڈالردینے کی تصدیق کر دی۔
گزشتہ روز ڈپٹی ایم ڈی آئی ایم ایف کےساتھ ورچوئل میٹنگ میں وزارتِ خزانہ نے بتایا تھا کہ اسٹاف لیول معاہدہ جلد ہوجائے گا، اسحاق ڈار کا کہنا ہے معیشت کی بہتری کیلئے اصلاحات پرعمل پیرا ہیں۔
یاد رہے گزشتہ ہفتے سعودی عرب نے آئی ایم ایف کوپاکستان کیلئے دو ارب ڈالر کی فراہمی کی یقین دہانی کرائی تھی۔