The news is by your side.

‘چینی سرمایہ کار اپنی صنعتیں چین سے پاکستان منتقل کرنے کے خواہاں’

لاہور : وزیراعظم عمران خان کا کہنا ہے کہ چینی سرمایہ کار اپنی صنعتیں چین سے پاکستان منتقل کرنےکےخواہاں ہیں، ہمیں چینی سرمایہ کاروں کوصنعتیں منتقل کرنےمیں فوری سہولتیں دینی چاہییں۔

تفصیلات کے مطابق وزیراعظم عمران خان کی زیرصدارت پنجاب میں خصوصی اقتصادی زون کی ترقی سےمتعلق اجلاس ہوا ، جس میں وزیراعلیٰ پنجاب عثمان بزدار، وزرا اور سینئرحکام نے شرکت کی۔

وزیراعظم نے کہا کہ سی پیک کی کامیابی اقتصادی زونزکی ترقی سےمنسلک ہے اور پاکستان کامستقبل بڑےپیمانےپرصنعت کاری میں مضمرہے، صنعت کاری سےنہ صرف روزگار کے مواقع پید ہوں گے بلکہ معیشت بھی مستحکم ہوگی۔

عمران خان کا کہنا تھا کہ قدرتی وسائل ،بہترانفرااسٹرکچراورسستی لیبرکےباعث چینی سرمایہ کاروں کوپنجاب پسندہے، چینی سرمایہ کاراپنی صنعتیں چین سےپاکستان منتقل کرنےکےخواہاں ہیں، ہمیں چینی سرمایہ کاروں کوصنعتیں منتقل کرنےمیں فوری سہولتیں دینی چاہییں۔

انھوں نے مزید کہا کہ پنجاب میں اقتصادی زونزکی ترقی کےلیےریگولیٹری قوانین میں سہولت دینی چاہیے۔

Comments

یہ بھی پڑھیں