دارالحکومت اسلام آباد میں ریلوے ٹریک پر لیٹ کر خودکشی کی کوشش کرنے والے شہری کو پولیس نے بچا لیا۔
اسلام آباد پولیس نے اپنے آفیشل ٹوئٹر اکاؤنٹ سے شہری کی تصویر شہیر کی اور لکھا کہ یہ شخص ٹرین کی پٹڑی پر لیٹ کر خودکشی کی کوشش کر رہا تھا۔
تھانہ شمس کالونی پولیس جوانوں نے بروقت پہنچ کر شہری کو بچا لیا جس کی شناخت ایمان اللہ کے نام سے ہوئی ہے اور وہ افغان کیمپ میں مقیم ہے۔
شہری کی ٹرین کی پٹڑی پر لیٹ کر خودکشی کی کوشش۔
تھانہ شمس کالونی پولیس جوانوں نے بروقت پہنچ کر شہری کو بچا لیا۔
ایمان اللہ افغان کیمپ میں مقیم ہے۔#ICTP #OPS pic.twitter.com/NvCFyA0BJ5
— Islamabad Police (@ICT_Police) September 18, 2022
اسی طرح کا ایک واقع مئی میں کراچی کے یونیورسٹی روڈ پر پیش آیا تھا جہاں ٹریفک پولیس اہلکار نے شہری کو خودکشی کرنے سے بچا لیا تھا۔
واقعے کی ویڈیو بھی سامنے آئی تھی جس کے مطابق غربت سے تنگ شخص پیڈسٹرن برج سے کودنے کی کوشش کر رہا ہے، قریب کھڑے ٹریفک پولیس اہلکار کی نظر اس پر پڑی اور اس نے شہری کو فوری بچا لیا۔
اہلکار نے تین دن سے بھوکے شخص کو کھانا بھی کھلایا تھا۔ اہلکار کے اس اقدام پر ڈی آئی جی ٹریفک احمد نواز نے اسے دس ہزار روپے انعام دیا تھا۔
