The news is by your side.

Advertisement

کراچی میں دن دیہاڑے ڈکیتی کی واردات، ویڈیو مںظر عام پر آگئی

کراچی: شہر قائد کے علاقے ناظم آباد میں دن دیہاڑے ڈکیتی کی واردات کی سی سی ٹی وی فوٹیج منظرعام پر آگئی۔

اے آر وائی نیوز کی رپورٹ کے مطابق کراچی کے علاقے ناظم آباد رضویہ تھانے کی حدود میں 2 موٹر سائیکل سوار ملزمان شہری کو تشدد کا نشانہ بنا کر نقدی و موبائل فون چھین کر فرار ہوگئے۔

سی سی ٹی وی فوٹیج میں دیکھا جاسکتا ہے کہ اپارٹمنٹ کے نیچے کھڑے شہری کو 2 موٹر سائیکل سوار ملزمان نے آکر دھکا دیا، ملزمان نے اسلحہ کے زور پر نقدی، موبائل فون چھینا اور شہری کو تشدد کا نشانہ بھی بنایا۔

ویڈیو میں دیکھا جاسکتا ہے کہ شہری زمین گرا اور مزاحمت کرتا رہا، ملزمان نے اس کے کپڑے بھی پھاڑ دئیے۔

واردات کے وقت درجنوں افراد آس پاس سے گزرتے رہے لیکن کوئی شہری کی مدد کو آگے نہ آیا۔

یاد رہے کہ گزشتہ ماہ 22 جون کو کراچی کے علاقے نیو ٹاؤن میں ایک تاجر کے گھر میں ایک کروڑ روپے کی ڈکیتی ہوئی تھی، نیو ٹاؤن تھانے کے قریب 5 ملزمان نے گھر کے اہل خانہ کو یرغمال بنا کر گھر سے سوا کروڑ روپے لوٹ کر فرار ہوگئے تھے۔

متاثرہ فیملی کا کہنا تھا کہ مسلح ملزمان نے گھر سے 110 تولے سونا، نقد رقم 6 لاکھ روپے، اور گھر میں موجود 3 ہزار ریال لوٹ کر لے گئے۔

Comments

یہ بھی پڑھیں