کراچی : سٹی کورٹ نے ڈاکٹر ماہا شاہ خود کشی کیس میں عدم حاضری کے باعث دو ملزموں کے وارنٹ جاری کردیئے۔
تفصیلات کے مطابق سٹی کورٹ کراچی میں ڈاکٹر ماہا شاہ خود کشی کیس کی سماعت ہوئی ،مقدمہ میں نامزد ملزمان جنید اور وقاص عدالت میں پیش ہوئے۔.
،پولیس نے عدالت میں بتایا کہ ڈاکٹر ماہا شاہ نے 18 اگست 2020 کو خود کشی کی تھی۔
- Advertisement -
مدعی مقدمہ کے وکیل نے کہا کہ دو سال گزر جانے کے باوجود مقدمہ کے ٹرائل مکمل نا ہو سکا، عدالت نے عدم حاضری کے باعث دو ملزموں کے وارنٹ جاری کردیئے۔
عدالت نے 14 جنوری تک پولیس کو ملزم سعد ناصر اور تابش کو گرفتار کرکے پیش کرنے کا حکم دیتے ہوئے ملزموں کے ضمانتیوں کو بھی نوٹس جاری کردیئے۔
عدالت نے 14 جنوری کو تمام ملزموں کو وکلا کے ہمراہ حاضری یقینی بنانے کا حکم بھی دیا۔
