کراچی : اسکردوایئرپورٹ پر بین الاقوامی پروازوں کے آغاز سے قبل سول ایوی ایشن نے طیاروں کی ری فیولنگ سہولت مہیاکردی۔
تفصیلات کے مطابق اسکردوایئرپورٹ پر بین الاقوامی پروازوں کے آغاز سے قبل سول ایوی ایشن (سی اےاے ) کا اہم اقدام سامنے آیا۔
سی اےاے کا کہنا ہے کہ اسکردوانٹرنیشنل ایئرپورٹ پرطیاروں کی ری فیولنگ سہولت مہیاکردی گئی، اسکردوانٹرنیشنل ایئرپورٹ پر 14 اگست سےبین الاقوامی پروازوں کاآغاز ہوگا۔
پی آئی اے کی اسکردو سے دبئی کے لیے پروازیں شروع ہوں گی۔
خیال رہے سکردو ایئرپورٹ پر انتظامات مکمل کر لیے گئے ہیں اور پرواز پر بکنگ کا آغاز کر دیا گیا ہے۔ پہلی پرواز پر بلند ترین چوٹیوں، دلکش جھیلوں کے نظارے کرائےجائیں گے۔
ترجمان کے مطابق پرواز دبئی سے اسکردو اور وہاں سے اسلام آباد آئےگی۔ اسکردو کے ساتھ ساتھ اسلام آباد کے مسافر بھی سفر کر سکیں گے۔