پشاور : وزیراعلیٰ خیبرپختونخوامحمودخان نے کہا کہ آزادی حاصل کرسکتے ہیں تو اس کی حفاظت کرنا بھی بخوبی جانتےہیں، دشمن غلط فہمی میں نہ رہے اور کشمیرپر قبضے کے خواب دیکھنا چھوڑ دے۔
تفصیلات کے مطابق وزیراعلیٰ خیبرپختونخوامحمودخان نے یوم دفاع پر پیغام میں کہا جانوں کانذرانہ پیش کرنےوالےشہداکوخراج عقیدت پیش کرتےہیں، 1965 میں فوج وقوم کاجذبہ دیدنی تھااورآج بھی وہی جذبہ زندہ ہے۔
کشمیریوں کیساتھ ہیں کشمیرکی آزادی تک سکون سےنہیں بیٹھیں گے
محمودخان کا کہنا تھا کہ آزادی حاصل کرسکتےہیں تواس کی حفاظت کرنابھی بخوبی جانتےہیں، دشمن غلط فہمی میں نہ رہےاورکشمیرپر قبضےکےخواب دیکھناچھوڑدے، کشمیریوں کیساتھ ہیں کشمیرکی آزادی تک سکون سےنہیں بیٹھیں گے۔
دنیا مسئلہ کشمیرکوآسان نہ لے،نزاکت اورحساسیت کوسمجھے
وزیراعلیٰ کےپی نے مزید کہا امن پسندہیں مگرلڑائی کی نوبت آئی توخون کےآخری قطرےتک لڑینگے، دنیا مسئلہ کشمیرکوآسان نہ لے،نزاکت اور حساسیت کو سمجھے، بھارتی سرکارکی احمقانہ حرکتیں پورے خطے کا امن تباہ کر سکتی ہیں۔
مزید پڑھیں : ملک بھرمیں یوم دفاع کشمیریوں کے ساتھ اظہار یکجہتی کرتے ہوئے منایا جا رہا ہے
خیال رہے ملک بھر میں یوم دفاع یوم یکجہتی کشمیر کے طور پر منایا جا رہا ہے، جس کا مقصد وطن عزیز کے لیے جانوں کا نذرانہ پیش کرنے والے شہدا کے ساتھ ساتھ بھارت مقبوضہ کشمیر میں مظلوم کشمیریوں کے ساتھ پاکستانی عوام کی حمایت کا اعادہ کرنا ہے۔
