کراچی: وزیر اعلیٰ سندھ نے فیلڈ پولیس افسران اور کمشنرز پر بلا اجازت چھٹی کرنے پر پابندی عائد کر دی۔
تفصیلات کے مطابق فیلڈ پولیس افسران اور کمشنرز پر بلا اجازت چھٹی پر پابندی عائد کر دی گئی، اب یہ افسران مجاز فورم یا وزیر اعلیٰ کے علم میں لائے بغیر چھٹی نہیں کر سکیں گے۔
سندھ پولیس کو وزیر اعلیٰ سندھ کا پہلا بڑا حکمنامہ موصول ہو گیا، پولیس ذرائع کے مطابق احکامات وزیر اعلیٰ سندھ کی جانب سے جاری کیے گئے ہیں، مراسلے میں سندھ کے تمام ڈی آئی جیز اور ایس ایس پیز کو ہدایات دی گئی ہیں۔
مراسلے کے مطابق متعلقہ افسران کو مجاز فورم سے اجازت لینا ہوگی، اجازت کے بغیر چھٹی یا غیر حاضری کو برداشت نہیں کیا جائے گا، اور قواعد کے تحت تادیبی کارروائی کی جا سکتی ہے۔
مراسلے میں ہدایت کی گئی ہے کہ افسران متعلقہ ڈویژنل یا ضلعی ہیڈ کوارٹرز میں اپنی دستیابی کو یقینی بنائیں۔ آئی جی سندھ کو بھی ہدایت ارسال کر دی گئی۔
