سی ایم ایچ پشاور میں جدید دور کے تقاضوں کو مدنظر رکھتے ہوئے اسمارٹ او پی ڈی متعارف کرا دی گئی، جس کی بدولت مریضوں کی ڈاکٹر تک رسائی کم سے کم وقت میں ممکن ہو جائے گی۔
تفصیلات کے مطابق دہشت گردی کی جنگ ہو یا قدرتی آفات ، سی ایم ایچ پشاور نے ہمیشہ صف اول میں رہ کر خدمت کا بیڑہ اٹھایا اور عوام کی امیدوں پر پورا اترا۔
سی ایم ایچ پشاور میں فوجی اور سول مریضوں کی سہولت کے لئے جدید ڈیجٹلائیز اسمارٹ سسٹم کا آغاز کردیا گیا۔
اسمارٹ او پی ڈی کا افتتاح کور کمانڈر پشاور لیفٹیننٹ جنرل حسن اظہر حیات نے کیا، جدید دور کے تقاضوں کو مدنظر رکھتے ہوئے سی ایم ایچ پشاور میں سمارٹ او پی ڈی متعارف کرا دی گئی۔
اسمارٹ او پی ڈی کی بدولت مریضوں کی ڈاکٹر تک رسائی کم سے کم وقت میں انتہائی سہولت کے ساتھ ممکن ہو جائے گی۔
ان سمارٹ سروسز سے تمام نظام کو سنٹرلائز کیا گیا ہے، جس سے آنے والے مریضوں کو متعلقہ ڈاکٹرز کے پاس جانے اور ان کے بارے میں معلومات مہیا کی جائیں گی۔
سول مریضوں کی بڑی تعداد روزانہ سی ایم ایچ پشاور کا رخ کرتے ہیں، جو یہاں موجود سہولیات اور ڈاکٹرز پر اعتماد کا مظہر ہے۔
سی ایم ایچ پشاور کو یہ اعزاز بھی حاصل ہے کہ ہر سال 50 ڈاکٹرز اور 150 پیرامیڈیکل سٹاف کو جدید نظام صحت کے بین الاقومی معیار کے مطابق تربیت فراہم کی جاتی ہے۔
