سندھ میں سی این جی کی ہڑتال ختم -
The news is by your side.

Advertisement

سندھ میں سی این جی کی ہڑتال ختم

کراچی: سندھ کی سی این جی ایسوسی ایشن نے 3 روز سے جاری سی این جی کی ہڑتال ختم کرنے کا اعلان کردیا۔

کراچی میں پریس کانفرنس کرتے ہوئے چیئرمین سی این جی ایسوسی ایشن شبیر سلیمان جی نے دعویٰ کیا کہ ان کے مطالبہ کو تسلیم کرلیا گیا ہے جس کے بعد وہ ہڑتال ختم کر رہے ہیں۔

سی این جی ایسوسی ایشن نے مطالبہ کیا تھا کہ اوگرا کلو کے بجائے لیٹر میں سی این جی کے نرخ مقرر کرے۔

چیئرمین کا کہنا تھا کہ آئندہ 15 سے 20 روز میں لیٹر اور کلو میں فروخت کے حوالے سے موجودہ مسائل کے حل کے لیے دوبارہ مذکرات ہوں گے۔ تمام سی این جی اسٹیشن کل سے معمول کے مطابق کھولے جائیں گے۔

ہڑتال کے خاتمہ کے اعلان کے بعد سوئی سدرن گیس کمپنی نے آئندہ ہفتے سی این جی بندش کا شیڈول بھی جاری کردیا جس کے مطابق ہر ہفتہ پیر، بدھ اور جمعہ کو سی این جی اسٹیشن کو گیس کی فراہمی 24 گھنٹوں کے لیے بند رہے گی۔

Comments

comments

یہ بھی پڑھیں