The news is by your side.

Advertisement

روہڑی بائی پاس پر کوچ الٹ گئی، ایک مسافر ہلاک، 5زخمی

سکھر : روہڑی بائی پاس پر مسافر کوچ خوفناک حادثے کا شکار ہوگئی، ایک مسافر ہلاک جبکہ متعدد زخمی ہوگئے۔

تفصیلات کے مطابق سندھ کے شہر سکھر میں روہڑی بائی پاس پر مسافر کوچ الٹ گئی، حادثے کے نتیجے میں پانچ مسافر شدید زخمی ہوگئے۔

ریسکیو ذرائع کا کہنا ہے کہ حادثے کا شکار مسافر کوچ کراچی سے پنجاب جارہی تھی کہ اچانک روہڑی بائی پاس پر الٹ گئی۔

ریسکیو ذرائع کے مطابق مسافر کوچ الٹنے ایک مسافر موقع پر ہی دم توڑ گیا تھا، جبکہ زخمیوں کو تعلقہ اسپتال روہڑی منتقل کیا جارہا ہے۔

یاد رہے کہ کچھ ماہ قبل کراچی سے پنجاب جانے والی پاکستان ایکسپریس جو روہڑی ریلوے اسٹیشن سے تقریباً تین کلومیٹر پہلے اچھیوں قبیوں کے مقام پر پہنچی تو ریلوے لائن پر قائم بغیر پھاٹک والے کے ریلوے کراسنگ پر سے پنجاب جانے والی مسافر کوچ کراس کرتے ہوئے ٹرین کی زد میں آگئی تھی۔

حادثے کے نتیجے میں 19 افراد جاں بحق اور 27 افراد زخمی ہوئے تھے ، جن میں سے 21 سکھر سول اسپتال میں زیر علاج ہیں اور 6 زخمیوں کو تشویش ناک حال میں سی ایم ایچ پنو عاقل منتقل کیا گیا جبکہ حادثے میں مسافر ٹرین کے انجن کو نقصان پہنچنے کے علاوہ اسسٹنٹ ڈرائیور زخمی ہوا تھا۔

Comments

یہ بھی پڑھیں