راولپنڈی : آرمی چیف جنرل سید عاصم منیر نے دورہ ازبکستان میں ازبک صدر اور وزیر دفاع سے ملاقاتیں کیں ، ملاقاتوں میں باہمی فوجی تعاون اور انٹیلی جنس تبادلے کو بڑھانے پر زور دیا گیا۔
تفصیلات کے مطابق مسلح افواج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا ہے آرمی چیف جنرل سید عاصم منیر جمہوریہ ازبکستان کے 2 روزہ سرکاری دورے پر ہیں، دورے کا مقصدفوجی اوردفاعی تعاون کو بڑھانا ہے۔
آئی ایس پی آر کا کہنا تھا کہ آرمی چیف نے ازبکستان کے صدر شوکت مرزیوئیف، وزیر دفاع اور اسٹیٹ سیکیورٹی سروس کے چیئرمین اور سیکریٹری سے
کی، ملاقاتوں میں باہمی تربیتی تعاون اور انٹیلی جنس تبادلے کو بڑھانے پر زور دیا گیا۔
جنرل سید عاصم منیر نے ازبکستان کی فوج کی تربیت کے معیاراور علاقائی سلامتی کیلئے کاوشوں کو سراہا۔
دورہ ازبکستان میں آرمی چیف جنرل سید عاصم منیر کی وزارت دفاع آمد پر پرتپاک استقبال کیا گیا، چاق و چوبند دستے نے گارڈ آف آنرپیش کیا۔
ترجمان کا کہنا تھا کہ آرمی چیف نے تاشقند میں یادگار شہدا پر پھول بھی رکھے۔
