The news is by your side.

Advertisement

آرمی چیف نے مادروطن کے دفاع کے لئے آزاد کشمیر رجمنٹ کی کاوشوں کو سراہا

آزاد کشمیر:آرمی چیف جنرل قمرجاوید باجوہ نے کہا کہ آزاد کشمیر رجمنٹ نے ملکی دفاع کے لئے بیش بہا قربانیاں دی ہیں، آرمی چیف نے مادروطن کے دفاع کے لئے آزاد کشمیر رجمنٹ کی کاوشوں کو سراہا.

آئی ایس پی آر کے مطابق آرمی چیف جنرل قمرجاوید باجوہ نے آزاد کشمیرسینٹرکا دورہ کیا، اس موقع پر انہوں نے کرنل کمانڈنٹ آزاد کشمیررجمنٹ کے تقرر کی تقریب میں شرکت بھی کی.

آرمی چیف نے لیفٹیننٹ جنرل ہدایت الرحمان کو کرنل کمانڈنٹ کے بیجز لگائے، بیجز لگانے والوں میں لیفٹیننٹ جنرل اشفاق ندیم بھی شامل تھے.

آرمی چیف جنرل قمرجاوید باجوہ نے سبکدوش کرنل کمانڈنٹ اے کے رجمنٹ کی خدمات کی تعریف کی، انہوں نے کہا کہ کہا کہ آزاد کشمیر رجمنٹ نے ملکی دفاع کے لئے بیش بہا قربانیاں دی ہیں،اے کے رجمنٹ کے شہداء کی تعداد 3 ہزار 842 ہے، آرمی چیف نے مادروطن کے دفاع کے لئے آزاد کشمیر رجمنٹ کی کاوشوں کو سراہا.

واضح رہے کہ آرمی چیف جنرل قمرجاوید باجوہ نے سیاچن کے دورے کے دوران نوجوانوں سے خطاب کرتے ہوئی کہا تھا کہ مشرق کی جانب سے ہر قسم کےخطرات کا موثرجواب دینےکے لیےتیار ہیں۔

خیال رہے کہ یوم پاکستان کے موقع پر آرمی چیف جنرل قمر جاوید باجوہ نے قوم کے نام پیغام میں پاکستان کو پرامن ملک بنانے کا عزم کرتے ہوئے قوم سے تعاون کی درخواست کی تھی.

Print Friendly, PDF & Email

Comments

comments

یہ بھی پڑھیں