اسلام آباد : ایک سال میں بجلی کمپنیوں کے خلاف حکومتی سطح پر 26 لاکھ 52 ہزار 623 شکایات درج کرائی گئیں۔
تفصیلات کے مطابق ایک سال میں بجلی کمپنیوں کے خلاف شکایات کے انبار لگا دیے گئے،ذرائع نے بتایا کہ بجلی کمپنیوں کےخلاف حکومتی سطح پر 26لاکھ 52 ہزار623شکایات درج کرائی گئیں۔
صارفین نے بجلی کمپنیوں کے خلاف شکایات 23-2022 کے دوران درج کرائیں ، کسٹمرکمپلینٹ منیجمنٹ سسٹم کےتحت25لاکھ 79ہزار 874 شکایات درج ہوئیں۔
- Advertisement -
لیسکو کےخلاف سب سے زیادہ8 لاکھ72ہزار497 شکایات درج ہوئیں جبکہ صارفین نے گیپکو کے خلاف 3لاکھ15ہزار 532 شکایات درج کرائیں۔
فیسکوکےخلاف3 لاکھ16ہزار166شکایات اور حیسکوکےخلاف77ہزار380 ٹیسکوکےخلاف5شکایات درج کرائی گئیں۔
ایک سال میں فیڈرل کمپلینٹ سیل میں71ہزار975شکایات درج ہوئیں ، فیڈرل کمپلینٹ سیل میں سب سےزیادہ میپکو کےخلاف شکایات درج ہوئیں۔
