پاکستان تحریک انصاف کے چیئرمین عمران خان نے مراکش کی ٹیم کو فیفا ورلڈ کپ کے سیمی فائنل میں پہنچنے پر مبارکباد پیش کی ہے۔
اے آر وائی نیوز کے مطابق پاکستان تحریک انصاف کے چیئرمین اور سابق وزیراعظم عمران خان نے قطر میں جاری فیفا ورلڈ کپ کے سیمی فائنل میں پہنچنے پر مراکش ٹیم کو مبارکباد پیش کی ہے۔
عمران خان نے سماجی رابطوں کی ویب سائٹ ٹوئٹر پر اپنے ٹوئٹ میں مراکش ٹیم کے لیے تہنیتی پیغام پوسٹ کیا ہے جس میں انہیں نے مراکش کی ٹیم کو پہلی بار فیفا ورلڈ کپ کے سیمی فائنل میں پہنچنے پر زبردست مبارکباد اور اگلے مراحل کیلیے نیک خواہشات کا اظہار کیا ہے۔
سابق وزیراعظم نے اپنے پیغام میں کہا کہ پہلی بار ایک عرب افریقی اور مسلم ملک کی ٹیم سیمی فائنل میں پہنچی ہے جو خوش آئندہ ہے۔
عمران خان نے مراکش کے لیے فٹبال ورلڈ کپ کے سیمی فائنل اور اس سے آگے کامیابی کے لیے بھی نیک خواہشات کا اظہار کیا ہے۔
Congratulations to Morocco on their victory over Portugal to reach the Football World Cup semi finals. First time an Arab, African & a Muslim team has reached a FIFA World Cup semi final. Wishing them success in the semi final & beyond.
— Imran Khan (@ImranKhanPTI) December 11, 2022
ہفتے کے روز کھیلے گئے عالمی فٹبال کپ کے تیسرے کوارٹر فائنل میں مراکش نے فیورٹ ٹیم پرتگال کو 1-0 سے شکست دی۔ مراکش کی جانب سے یوسف النصیری نے شاندار گول اسکور کیا۔
یہ بھی پڑھیں: فیفا ورلڈ کپ، سیمی فائنل لائن اپ مکمل
مراکش کی اس جیت کے ساتھ ہی فٹبال ورلڈ کپ کے سیمی فائنل میں پہنچنے والی پہلی عرب مسلم ٹیم بننے کا اعزاز حاصل کیا ہے۔
