قطر میں جاری دنیا کے سب سے مقبول کھیل فٹبال ورلڈ کپ کا رنگا رنگ میلہ اختتام کی جانب گامزن ہے سیمی فائنل لائن اپ مکمل ہوگئی۔
اے آر وائی نیوز کے مطابق دنیا کے سب سے مقبول کھیل فٹبال ورلڈ کپ کا رنگا رنگ میلہ اب اپنے اختتام کی جانب گامزن ہے۔ سیمی فائنل لائن اپ مکمل ہوگئی ہے۔ سیمی فائنل مقابلے منگل اور بدھ کو ہوں گے۔
فیفا ورلڈ کپ کا پہلا سیمی فائنل میسی کی ارجنٹینا اور کروشیا کے مابین منگل 13 دسمبر کو ہوگا جب کہ دوسرے سیمی فائنل میں دفاعی چیمپئن فرانس بدھ 14 دسمبر کو رونالڈو کی فیورٹ ورلڈ کپ فیورٹ پُرتگال کو اپ سیٹ شکست دے کر ٹورنامنٹ سے باہر کرنے والی پہلی عرب مسلم ٹیم مراکش سے ٹکرائے گی۔
یہ بھی پڑھیں: فیفا ورلڈ کپ، دفاعی چمیپئن فرانس نے انگلینڈ کو شکست دے دی
دونوں سیمی فائنل کی فاتح ٹیمیں آئندہ اتوار 18 دسمبر کو دنیائے فٹبال کی آئندہ چار سالہ حکمرانی کی جنگ جیتنے کے لیے میدان میں اتریں گی۔ اس سے قبل ناکام سیمی فائنلسٹ ہفتہ 17 دسمبر کو تیسری پوزیشن کے حصول کے لیے میچ کھیلیں گی۔