لاہور : قومی ٹی ٹوینٹی کرکٹ ٹیم کے سابق کپتان شاہد آفریدی افغان کرکٹ لیگ سے دستبردار ہوگئے، ان کا کہنا ہے کہ افغان بورڈ کا شکر گزار ہوں ، ذاتی مصروفیات کے باعث ایونٹ نہیں کھیل سکتا۔
یہ بات انہوں نے سماجی رابطے کی ویب سائٹ ٹوئٹر پر اپنے تازہ پیغام میں کہی۔ تفصیلات کے مطابق دنیائے کرکٹ کے مایہ ناز آل راؤنڈر شاہد خان آفریدی نے افغانستان کی ’’اسپاغیزا کرکٹ لیگ ‘‘ کے ساتھ معاہدہ ختم کردیا ہے۔
ٹوئٹر پیغام میں ان کا مزید کہنا تھا کہ ٹی ٹوئنٹی لیگ میں بلانے پرافغان بورڈ کا تہہ دل سے شکرگزار ہوں جنہوں نے مجھے وہاں کھیلنے کی دعوت دی، تاہم میں اپنی ذاتی مصروفیات کی وجہ سے افغان کرکٹ لیگ میں شرکت نہیں کر سکتا۔
Very thankful to AFG gvt, @ACBofficials &MuslimYar sb. Speenghar Tigers to invite me. But I have some vry urgent family issue comeup 1/2
— Shahid Afridi (@SAfridiOfficial) September 8, 2017
ان کا کہنا ہے کہ مستقبل میں افغان لیگ ضرور کھیلوں گا، میں ذاتی طور پر کھیلوں کے ذریعے مختلف ممالک کے درمیان تعلقات بہتر کرنے کا حامی ہوں۔
یاد رہے کہ رواں ماہ گیارہ ستمبر سے افغانستان کے دارالحکومت کابل میں شروع ہونے والی اسپاغیزا کرکٹ لیگ میں 6 فرنچائز کی ٹیموں کے مابین مقابلے ہوں گے۔
I look fwd to come in future & support the great iniative. I support bridging realtions via cricket for peace to unite nations. 2/2
— Shahid Afridi (@SAfridiOfficial) September 8, 2017
ہر ٹیم نے افغان کرکٹرز سمیت بین الاقوامی کرکٹرز کی بھی خدمات حاصل کی ہیں اس سلسلے میں اسپنگار ٹائیگرز نے بطور بین الاقوامی کرکٹر شاہد آفریدی کے ساتھ معاہدہ کیا تھا۔
یہ بات بھی پیش نظر رہے کہ قومی ٹی ٹوئنٹی ٹیم کے سابق کپتان انگلش سیزن میں ہمشائر کاونٹی کلب کی نمائندگی کررہے ہیں اور ان کی ٹیم مایہ ناز آل راؤنڈر کی شاندار سنچری کی بدولت سیمی فائنل میں جگہ بنا چکی ہے۔
