کراچی: رمضان کی آمد آمد اور مہنگائی کا جن قابو سے باہرہوگیا، کراچی میں بناسپتی گھی اور کوکنگ آئل کی قیمتوں میں دس روپے فی کلو اضافہ کر دیاگیا۔
کراچی میں ریٹیل سطح پر پانچ کلو گھی کا ڈبہ پچاس روپے مہنگا ہوگیا۔ ریٹیلز کاکہنا ہے کہ گھی اور تیل کی قیمتوں میں اضافہ گھی مینوفیکچرنگ کمپنیوں نے کیا ہے اور ہر سال رمضان کی آمد سے پہلے خوردنی تیل کی قیمتوں میں اضافہ معمول بن گیاہے۔
گھی ساز کمپنیوں نے قیمتوں میں اضافے کو عالمی منڈی میں پام آئل کی قیمتوں سے جوڑ دیا ہے۔
